私隱政策
最後更新：2026-11-10
呢份政策講我哋收集咩資料、點樣用、同你有咩選擇。
我哋收集嘅資料
- 帳戶資料：你嘅電郵（只用嚟登入同通知，唔會公開）。
- 個人頁資料：用戶名、顯示名稱、頭像、簡介、城市、時區、話題、連結。呢啲係公開嘅。
- 邀請卡：內容係公開嘅。會議連結或者聯絡方法唔會公開，只會喺你接受預約之後畀嗰位訪客見到。
- 預約同對話：只有預約雙方睇到。
- 技術資料：為咗保安同運作所需嘅基本紀錄。
點樣使用
- 提供同改善本服務，例如顯示個人頁、換算時區、處理預約。
- 寄登入碼同預約通知。
- 處理檢舉同防止濫用。
- 我哋唔會賣你嘅個人資料，亦唔會用嚟投放第三方廣告。
同邊個分享
- 幫我哋運作本服務嘅供應商（例如主機、資料庫、發信服務），佢哋只可以按我哋指示處理資料。
- 你寫嘅問題卡（包括設為「約咗先睇到」嘅卡），儲存時可能會交畀 AI 服務供應商做安全檢查同分類。
- 你公開嘅問題卡同話題，可能會交畀 AI 服務供應商做推薦排序。設為「約咗先睇到」嘅卡唔會用嚟做推薦。
- 法律要求時，向執法或者監管機構提供。
你嘅選擇
- 你可以隨時修改個人頁、暫停邀請卡、封鎖其他用戶。
- 你可以喺「設定」下載自己嘅資料，或者永久刪除帳戶。刪除帳戶之後，個人頁、邀請卡、問題卡、相片、預約同訊息會一併刪除。
保存期
- 帳戶存在期間我哋會保存你嘅資料。檢舉紀錄可能會為咗安全理由保留較長時間。